Komisioneri Publik ka ankimuar vendimin e Komisionit të Pavarur të Kualifikimit (KPK) për drejtuesin e Prokurorisë së Kavajës, Artan Madani.
Sipas komisionerit, referuar gjendjes së fakteve dhe provave në rastin konkret, vlerëson se subjekti i rivlerësimit nuk arrin nivel të besueshëm për konfirmimin e tij në detyrë.
Komisioneri Publik ka ardhur në përfundimin se Madani ka bërë deklarim të pasaktë dhe të pamjaftueshëm, për vlerësimin e pasurisë si dhe ka cenuar besimin e publikut.
Komisionerit Publik ka konstatuar se, Madani nuk ka deklaruar saktë dhe mjaftueshëm të dhënat e pasurisë, si dhe nuk ka shpjeguar në mënyrë të besueshme burimet e ligjshme për krijimin e të ardhurave të ligjshme, për pasuritë në pronësi të tij.
Komisioni i Pavarur i Kualifikimit vendosi konfirmimin në detyrë të subjektit të rivlerësimit, Artan Madani, prokuror/drejtues në Prokurorinë pranë Gjykatës së Shkallës së Parë Kavajë në Korrik të këtij viti. Por, tashmë ai do të duhet të përballet me apelin e vetingut që është KPA-ja.
