Koordinatori i Bindjes Demokratike, Astrit Patozi ka komentuar ftesën e kryeministrit Edi Rama për dialog me opozitën. Sipas Patozit, Rama kërkon vetëm “të kalojë lumin” dhe t’ia hedhë edhe kësaj radhe.
I ftuar në Top Channel, Patozi tha se “Rama fton opozitën, dhe thotë “hajde ua hedhim, e kalojmë lumin.
Shqipëria është në krizë, Rama dhe Basha janë përgjegjësit kryesorë dhe në vend që të bëjnë përpjekje për ta zgjidhur, Ata thonë hajde bëjmë sikur”.
I pyetur nga gazetari Dyrnjaja nëse opozita, po bën autogol, Patozi tha se “Basha e bën me vetëdije, ai nuk e do Reformën Zgjedhore, sespse palët politike nuk e duan. Kjo sepse do e kenë më të thjeshtë kontestimin e zgjedhjeve dhe sepse e dinë që sa herë të hapet debate për reformën do hapet tema e ndryshimit të sistemit”.
Gjithashtu Patozi tha se problemi është kryetarokracia, ndërsa zgjidhja është tua heqim këtë pushtet, duke ndryshuar sistemin.
Po ashtu Patozi theksoi se ai që e keqpërdor më shumë pushtetin e kryetarokracisë, është kryeministri.
