34 shqiptarë u riatdhëesuan sot, mes të cilëve 29 nga Franca dhe 5 nga Belgjika.
Të riatdhesuarit kishin shkelur rregullat e qëndrimit në hapësirën Shengen, kishin kërkuar azil dhe kishin tentuar të kalojnë në Mbretërinë e Bashkuar, nëpërmjet Francës.
Operacionet e riatdhesimit sipas policisë, do të vijojnë edhe në javët e ardhshme.
"Policia e Shtetit apelon edhe njëherë për të gjithë shtetasit shqiptarë që udhëtojnë për në vendet e BE-së, të respektojnë rregullat e lëvizjes në hapësirën Schengen dhe të mos kërkojnë azil, pasi shanset për ta fituar janë zero." - thuhet në komunikatën e policisë.
