Perfundon operacioni i paralajmëruar i antidrogës në Durrës. Janë kontrolluar kontenierët dhe sipas burimeve policore janë gjetur dy ngarkesa me Kokainë.
Referuar dosjes së policisë, operacioni është zhvilluar në bashkëpunim me palën greke.
Eshtë arrestuar Ardian Bega dhe Altin Mislihaka dhe është shpallur në kërkrim edhe një person tjetër me inicialet G.M.
Sipas burimeve nga Prokuroria nga sasia e drogës që është kapur në Greqi, është lënë një pjesë shumë e vogël e drogës në kontenier, thjesht për dokumentim.
Mësohet se origjina nga është nisuar kokaina është Ekuadori dhe ka qene tranzit nga porti i Pireut për në Durrës. Flitet për ngarkesë rreth 100 kg kokainë.
Trafikantët e kanë kuptuar që ishte zbuluar rruga e trafikut dhe kishte ndërhyrë menjëherë policia.
Ndëkrohë Gjykata për Krime të Rënda është duke shqyrtuar masën e sigurisë për personin e arrestuar në Durrës, për kontejnerët që dyshohet se kishin kokainë.
Policia ka arrestuar edhe një person tjetër për këtë ngarkesë, që dyshohet se ishte nisur nga Ekuadori për në Portin e Pireut në Greqi e më pas në Portin e Durrësit. Duke iu referuar burimeve mësohet se Altin Mysilhaka, personi i parë i vënë në pranga është futur duke treguar një bexh në Port, ndërsa sipas burimeve mësohet se autoritetet greke kanë zëvendësuar ngarkesën e kokainës, me sasi orizi.
Kamerat e sigurisë më pas kanë kapur edhe personin e dytë, të identifikuar Ardian Bega. Masën e sigurisë për Mysilhakën po e shqyrton gjyqtarja Irena Gjoka.
