Një 19-vjeçar është arrestuar nga policia e Tiranës pasi është kapur me disa doza drogë gati për t’i shitur.
Bazuar në informacionet e marra nga qytetarët se një shtetas në zonën e ish-Bllokut dyshohej se shpërndante lëndë narkotike në doza të vogla, efektivët kanë reaguar në kohë, dhe në bashkëpunim edhe me Seksionin për Hetimin e Narkotikëve bënë të mundur kapjen dhe arrestimin në flagrancë të shtetasit A. M., 19 vjeç, banues në Tiranë.
Ky shtetas u kap në zonën e ish-Bllokut dhe gjatë kontrollit fizik të ushtruar nga shërbimet e Komisariatit të Policisë Nr. 2, iu gjetën në çantën e krahut doza me lëndë narkotike, me peshë 26.4 gramë, gati për shpërndarje.
