Në jetën e Brad Pitt ka një grua të re, të paktën sipas zërave të fundit. Burime për Us Weekly thonë se aktori është në një lidhje me dizajneren e bizhuterive, Sat Hari Khalsa.
Sipas burimit, Khalsa, 50 vjeçe, është shumë më e thjeshtë se gratë me të cilat ai ka pasur lidhje në të kaluarën. “Ajo është një grua e fortë,” shton po i njëjti burim “Ka një mendje të pasur. Kjo është ajo që po tërheq aktorin.”
Thashethemet e para për një romancë mes tyre nisën një vit më parë, kur u fotografuan bashkë në Silverlake Conservatory of Music Gala, të organizuar nga Red Hot Chili Peppers. Mendohet se marrëdhënia është ende në hapat e para.
Dizajnerja është themeluese e argjendarisë Amrit, që referuar sanskritishtes, është një fjalë e lashtë marrë nga tekstet e shenjta që i referohet pavdekësisë. Argjendaria, që përgjithësisht bën gjëra të personalizuara, është një nga të preferuarat e Demi Moore, Emma Watson, madje edhe e Jennifer Aniston, ish-gruaja e Brad Pitt. Përpos kësaj, Khalsa është gjithashtu praktikuese e mjekësisë holistike, një formë e mjekësisë alternative që synon të shërojë problemet fizike të njerëzve duke krijuar një ekuilibër midis aspekteve fizike, emocionale dhe shpirtërore.
