Kompania që u grabit sot në terminalin e Rinasit është “Nazeri 2000”. Një fat i ngjashëm e ka ndjekur edhe më parë këtë kompani në vitin 2016.
Në atë kohë iu vodhën 3 milion euro brenda pistës së Aeroportit të Rinasit.
Edhe sot sasia e parave transportohej nga kompania “Nazeri 2000” në bashkëpunim me kompaninë tjetër të sigurisë fizike, “Jaguar”.
Grabitësit hynë në terminalin e Aeroportit të Rinasit më një furgon të Tatimeve dhe të veshur si agjentë të Hetimit Tatimor.
Gjatë tentativës së grabitjes ka pasur shkëmbim zjarri, ku ka mbetur i vrarë një person.
Ndërkohë që grabitësit janë larguar në drejtim të Fushë Krujës.
