Një debat virtual me tone të ashpra dhe deri diku kërcënuese është ai i cili ndodhi mes Rezarta Shkurtës dhe Shkëlzen Berishës. Gjithçka nisi nga një postim i ish-kryeministrit Sali Berisha, i cili shpërndau një foto në Facebook në të cilën shkruhej: “Për 20 kg kokainë bëri vetëm 3 vjet burg”, duke iu referuar Ermal Hoxhës.
Kaq ka mjaftuar që Rezarta, bashkëshortja e Ermalit, të reagojë me një postim në llogarinë e saj në Instagram: “Mos u merr me nipin e atij që i ke hequr kallot e këmbëve, por merru me djalin tënd Zeni Berisha që vrau qindra fëmijë në shpërthimin e Gërdecit, dhe s’bëri asnjë ditë burg.”
Por nuk kanë qënë të pakta as fjalët në ton kërcënues të Shkëlzenit për Rezartën. Ai është shprehur se është rradha e saj për të 'kënduar' në gjykatë: “Pas të akuzuarit për trafik droge (Tahirit), pas mikut të trafikantit të drogës (Ballës) radhën për të ‘kënduar’ para gjykatës do e ketë partnerja e trafikantit të drogës.”
Ndërkohë, replikimi është zgjatur përsëri…
Rezarta ka bërë një tjetër postim në Insta Story, ku i drejtohet mjaft vrazhdë djalit të ish-kryeministrit Sali Berisha: “Jam e lumtur që të paska djegur kaq shumë more Zeni Berisha. Nuk i trembem gjykatave të cilat ju kanë lënë të lirë ju pseudo ‘demokratëve’, sepse vetëm demokraci nuk keni sjellë, por jeni të përlyer me gjak nga koka tek këmbët. I trembem vetëm gjykimit të Zotit dhe fatkeqësisht për ty, aty s’mund të korruptosh.”
