Nëpërmjet një videoje të shpërndarë në faqen zyrtare të “Facebook”-ut të Ambasadës holandeze në Tiranë, Ministri i Shtetit për Drejtësinë dhe Sigurinë, Mar Harbers, u ka bërë thirrje shqiptarëve që të mos emigrojnë në mënyrë të paligjshme drejt Holandës, duke i siguruar se autoritetet përkatëse do të marrin të gjitha masat e nevojshme për të parandaluar depërtimin e tyre në destinacion. “Do t’ju kapin e do t’ju përcjellin mbrapsht me avionin e parë”, ka paralajmëruar kështu Harbers klandestinët shqiptarë që përpiqen të shfrytëzojnë Holandën si një stacion tranzit për t’iu drejtuar Anglisë.
“Mos e bëni këtë, shansi që ju të arrini në Angli është gjithnjë e më i vogël ndaj mos investoni të gjitha paratë tuaja tek trafikantët e qenieve njerëzore. Këtu do t`ju kapin dhe do t`ju kthejnë mbrapsht me avionin e radhës, sa hap e mbyll sytë”, ka përfunduar fjalën e tij Harbers.
https://www.facebook.com/DutchEmbassyAlbania/videos/1970913366351117/?v=1970913366351117
