Prej rreth një viti Rihanna ka nisur një histori të re dashurie, e cila kohët e fundit mesa duket po shkon më së miri. Së fundmi këngëtarja e njohur është fotografuar në prani të të dashurit bilioner, Hassan Jameel, duke bërë tifo për një skuadër basketbolli. E veshur thjesht dhe sportive, Rihanna duket se e ka shijuar shumë ditën pranë partnerit dhe miqve të afërt.
Madje ajo nuk ngurroi të shfaqte publikisht dashurinë ndaj biznesmenit arab. Muaj më parë u përfol se Rihanna dhe Hassan i kishin dhënë fund lidhjes së tyre, por ata kanë vërtetuar shpesh të kundërtën. Madje kjo dalje e fundit publike tregon se ata e kanë shumë të vështirë të qëndrojnë larg njëri-tjetrit edhe gjatë ditës.
