Shkodra nuk përmbytet vetëm në dimër, por edhë në korrik. Reshjet e ditës së sotme përmbytën disa zona të qytetit, përfshi këtu edhe spitalin rajonal. Deputetja e PD-së Izmira Uqinaku ka bërë publike pamjet e përmbytjes duke denoncuar paaftësinë e drejtuesve të këtij spitali.
“Bie shi dhe spitali del jashtë funksionit! Të nderuar, vëreni çfarë po ndodh ne Spitalin Rajonal të Shkodrës! Bie shi një orë dhe përmbytet spitali! Kjo është shëndetësia që duam! Shëndetësia që po na ofron Edi Rama së bashku me Ministren përkatëse që viziton aq shpesh Shkodrën! Këto janë pamjet që më dërgojnë qytetarët e Shkodrës”, thotë Ulqinaku.
