Moti i lagësht i ditës së sotme ka shkaktuar një aksident të rëndë në raksin rrugor Elbasan-Librazhd. Në fshatin Labinot Fushë, Elbasan mjeti me targa AA 384 JM, me drejtues shtetasin A.P., 31 vjeç, banues në Mallakastër është përplasur me trafikndarësen.
Për pasojë është aksidentuar drejtuesi i mjetit shtetasi A.P., dhe shtetasja A.B., 20 vjeçe, (bashkëshortja), të cilët menjëherë janë transportuar për në Spitalin e Elbasanit dhe ndodhen jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të shkakut të aksidentit, ku paraprakisht dyshohet se drejtuesi i mjetit ka humbur kontrollin e mjetit dhe për pasojë është përplasur me trafikndarësen.
