Ka dështuar seanca e vetingut për prokuroren Rovena Gashi, që nuk u paraqit aty me pretendimin se tashmë vendimi për të është marrë dhe se vetingu është kthyer në një arenë e diskretitimit publik të njerëzve të drejtësisë.
Relatorja e trupit gjykuës, Genta Tafa Bungo tha se duke qenë se prokurorja nuk është paraqitur dhe nuk ka dërguar avokatin, atëherë asaj nuk mund t'i bëhen pyetje, ndaj seanca nuk mund të zhvillohet.
Prokurorja Rovena Gashi pretendon se vendimi i KPK për të është tashmë i vendosur dhe se Gjykata Europiane e të Drejtave të Njeriut ka regjistruar tashmë çështjen e ankimimit të saj dhe se ajo do të paraqitet vetëm pranë kësaj gjykate.
