Policia e Vlorës ka sekuestruar 293.000 Euro të dyshuara nga veprimtari kriminale, të cilat ishin në katër llogari bankare në emër të një italiani. Vazhdon evidentimi i aseteve dhe llogarive bankare të personave të dyshuar për veprimtari kriminale.
“Në vijim të punës së saj, Policia Kriminale në bashkëpunim me drejtorinë e Policisë së Vlorës, me Prokurorinë e Vlorës dhe Drejtorinë Hetimore Qendrore, kanë bërë të mundur sekuestro preventive mbi 4 llogari bankare të italianit me inicialet V.L. Vlera monetare e sekuestros preventive të llogarive bankare është 293.000 Euro.
Italiani dyshohet për kryerjen e veprës penale të Pastrimit të produkteve të veprës penale ose veprimtarisë kriminale”, thotë policia e Vlorës në një njoftim zyrtar.
