Nga deputetët e Partisë Socialiste vetëm Pandeli Majko, njëkohësisht Ministër i Diasporës nuk e votoi projektligjin që i hap rrugë shembjes së teatrit kombëtar. Të tjerët, thotë Ylli Manjani, u kthyen në letër higjenike. Ish ministri i LSI-së në qeverinë e parë të Ramës thotë se tani mbetet vetëm një gjë për t'u bërë, largimi i arrogantit në krye të qeverisë.
"Uroj me gjithë shpirt që një ditë ky palaço Kryeministër të detyrohet ta lajë këtë pisllëk që po bën me arrogancë!!! Uroj që të detyrohet ta paguajë këtë faturë anti-shtet, anti-histori, anti-ekonomi, anti-shoqëri e anti-demokraci që po i vendos Shqipërisë e Shqiptarëve! Të gjithë ata që në emër të popullit sot, vendosën të shkatërrojnë pasurinë dhe trashëgiminë kulturore të tij (popullit), pranuan që janë letër higienike e Kryeshefit tē tyre!Nga pisat vetëm pisllëqe dalin! Tani çdo gjë varet nga ne! Ose të largojmë arrogantin, ose arroganti do ma largojë ne të gjithëve! Një e nga një..." shkruan Manjani në rrjetet sociale.
