Kryebashkiaku i Tiranës Erion Veliaj dhe zyra e tij e propagandës po shfrytëzojnë lëkundjet e tërmetit që kanë nisur prej paradites së sotme, në funksion të planit grabitqar për të shembur Teatrin Kombëtar dhe për t’i hapur rrugë ndërtimit të kullave përmes partneritetit publik-privat. Në mediat pranë tij kanë nisur të qarkullojnë foto që tregojnë se lëkundjet e tërmetit kanë plasaritur muret e teatrit.
Pra, po tentohet të luhet me frikën se godina po rrezikon shembjen për shkak të amortizimit, ndaj duhet rrëzuar një orë e më parë. Ndonëse nuk e ka mbështetjen e gjerë të artistëve, të cilët kërkojnë që godina të mos shembet, Veliaj synon të fitojë mbështetjen e opinionit publik duke përdorur kështu elementin e frikës. Sigurisht që nuk mund të thuhet se godina e Teatrit Kombëtar është imune ndaj lëkundjeve sizmike, përfshi dhe ato të sotmet, por nxitimi që mediat pranë Veliajt t’i bëjnë jehonë plasaritjeve nëpër mure, dëshmon në fakt nxitimin për ta shembur një orë e më parë godinën dhe për të nisur me ndërtimin e kullave.
© LAPSI.al
