Uma Thurman rreshtohet mes aktoreve që kanë denoncuar ngacmimet e producentit amerikan. Ajo postoi një foto të shkëputur nga “Kill Bill”, film që e bëri një ndër aktoret më të famshme në Hollywood, i prodhuar nga ish-magnati i kinemasë Harvey Weinstein.
Pas disa javësh nga shpërthimi i skandalit të abuzimeve seksuale në botën e kinemasë, Uma Thurman vendosi të flasë në mënyrën e saj, duke zgjedhur rrjetet sociale.
“Kam thënë më parë se do të flisja kur mos të isha e zemëruar, kisha arsyet e mia. Mendoj se gjithçka kërkon kohën e vet, të jesh i saktë dhe i drejtë. Pra, gëzuar Ditën e Falënderimeve të gjithëve! Përveç teje Harvey dhe të gjithë komplotistëve të tu. Më bëhet qejfi që gjithçka po ecën kaq ngadalë, sepse nuk meriton as plumbin”.
