Saimir Kodra i ftuar në studion e Thunb i është përgjigjur pyetjeve ‘pa ju dridhur qerpiku’ duke treguar të vërtetat e tij të cilat sigurisht i shoqëron edhe me batutë.
Teksa Aulona e ka pyetur se në gjithë këto vite transmetim të “Fiks Fare”, “Ça thu” dhe “Stop” ai me patjetër duhet ta ketë një nga vajzat që kanë qenë velina pak më speciale se të tjerat. Menjëherë Saimiri ka treguar se nuk ka vetëm një por janë dy që nuk mund t’i ndajë dot. Sipas tij e para është Marina Vjollca në kohën kur ka qenë velinë në ‘Fiks Fare’. Ai ka treguar se Marina ka qenë një vajzë shumë e urtë, korrekte dhe tërësisht e padjallëzuar duke i marrë me naivitet të gjitha batutat e tij e të doktorit ndërkohë që një tjetër emër ka qenë Alba Hoxha e cila tashmë është balerinë në trupën e baletit të Tv Klan por ka qenë velinë fillimisht në ‘Stop’.
