Teksa të gjithë presin ta shohin këtë të shtunë në emisionin ‘Shiko kush luan’, Luana ka zbuluar se ajo në fakt nuk është vetëm prezantuese në show-n e ri, që do të jetë në formë quizz-i.
‘Kemi sfidë dhe garë. Në përmbajtje është një quizz, por çfarë do të bëjmë ne është një show i vërtetë, ashtu siç e do e shtuna në mbrëmje. Unë si bashke autore në këtë program, 10 vitet në ekranin e ‘Top Channel’ më kanë bërë të kuptoj se çfarë do një mbrëmje prime time, kështu që instiktet i kam të forta.’-rrëfeu Luana duke zbuluar kështu se ajo është edhe bashkë autore.Dhe jo vetëm kaq, por as Hazizi dhe as Edi Manushi që shfaqen në spotin e emisionit, nuk do të jenë bashkëprezantues. ‘Duhet sqaruar diçka për rolin e Manushit dhe Gentit se është përfolur shumë që do të jemi bashkëprezantues. Ata kanë një rol shumë të rëndësishëm dhe janë kapitenë të skuadrave.’-tregoi Luana duke shpjeguar më tej se skuadrat do të ndryshohen çdo javë dhe do të jenë vetëm personazhe të famshëm.
