Nuk ka zgjatur shumë reagimi i të akuzuar si jo korrekt nga këngëtarja Irma Libohova. Pas denoncimit të saj, ku i kërkonte kolegeve të bënin kujdes nga një organizator koncertesh në ishujt grekë, ky i fundit i është kundërpërgjigjur motrës së madhe Libohova. Për gazetën “Express” ai ka thënë se këngëtarja shqiptare ka gënjyer kur tha se nuk është paguar për koncertin. Sipas tij, Irma ka pretenduar gjëra të tjera, por pa e sqaruar se çfarë.
“Unë jam këtu dhe nuk jam fshehur ajo lekët i mori por pretendonte gjëra të tjera. Megjithatë këtë do ta zgjidhë Gjykata e Lartë.”- është shprehur organizatori i koncerteve.
Duket se çështja do të përfundojë në Gjykatë nisur dhe nga reagimi i Kasapit edhe pse këngëtarja e njohur Irma Libohova ka treguar se deri tani jo vetëm që nuk ka marrë lekët por nuk ka marrë asnjë një përgjigje pas njoftimeve të njëpasnjëshme.
Këngëtarja ka dhënë koncert në Greqi në fillim të muajit mars por sipas saj nuk ështv paguar për punën e saj.
