Që prej divorcit nga bashkëshorti, me të cilin pati një martesë më shumë se 10-vjeçare, Aurela Hoxha shfaqej në publik ‘single’. Deri sa, muajt e fundit deklaroi pak a shumë se ishte në një lidhje por identitetin e mashkullit që e shoqëronte nëpër udhëtime luksoze nuk e zbuloi. Prej asaj kohe, kurioziteti është i madh dhe më në fund, ajo dhe i dashuri i saj i ri kanë dalë hapur në një ambient publik.
“Bordo” ka kapur në çaste intime blogeren shqiptare, teksa argëtohej në jetën e natës në një club të Tiranës. Sipas asaj që shkruan revista, Aurela Hoxha po jeton prej muajsh një histori të bukur dashurie me një biznesmen me origjinë nga Miloti. Alban quhet djali që i ka vjedhur zemrën bukuroshes dhe duket se ata po jetojnë një marëdhënie tepër intensive.
Në udhëtimet e shpeshta të Aurelës kohëve të fundit nëpër vende ekzotike, duket se ka patur shoqërues pikërisht të dashurin e ri Albanin. Ata ishin bashkë me një grup shoqëror, por herë pas here nuk ngurronin të shfaqnin afeksion ndaj njëri-tjetrit.
