Adriano Celentano 79 vjeç dhe Claudia Mori 73, prej ditësh jetojnë me frikën se hajdutët mund t'i hyjnë në shtëpi. Vetë këngëtari ka bërë me dije ndodhitë e dyshimta që kanë ndodhur në zonën pranë shtëpisë së tij ditët e fundit.
"Unë jam i detyruar të zbuloj ngjarjet që po ndodhin në shtëpinë time, të rënda për mua dhe për Claudia-n, "shkruan ai. "Prej ditësh në brendësi të banesës kemi vënë re prani njerëzish të panjohur. 6 keqbërës dhe një që i ruante janë filmuar nga kamerat tona të sigurisë" është shprehur Celentano.
“E gjitha ka nisur në fillim të javës së kaluar. Ata kanë thyer xhamin e makinës së së Claudias, por nuk kanë vjedhur asgjë. Bëhet fjalë për një seri veprimesh kërcënuese që na bëjnë të dyshojmë dhe të kemi frikë se ata po kërkojnë të na bëjnë keq mua dhe Claudias”, është shprehur këngëtari, që siç shkruan, nuk arrin të flejë gjumë në mbrëmje nga shqetësimi.
