Kur i gjithë rrjeti u çmend nga ideja se Beyonce priste binjakë, një nga personazhet e njohur që uroi menjëherë në rrjete sociale ishte Celine Dion, e cila edhe vetë është nënë e binjakëve, ndaj dhe e ndjeu më shumë këtë lajm të bukur.
“Është bekim i dyfishtë! Unë kam vetë binjakë. Nëse do të jepja një këshillë për Beyonce-n do të ishte ta merrte me qetësi sepse është e vështirë, kthehesh gati-gati në robot, por mendoj se Beyonce i ka të gjithë mundësitë që edhe persona të tjerë ta ndihmojnë. Megjithatë, do t’i thosha që t’i rriste vetë sepse është një eksperiencë e mrekullueshme, edhe pse e lodhshme. E di se Beyonce do të jetë një mama e mrekullueshme!” – ka thënë Celine Dion.
