Mes gjithë atij emocioni, zhurme, spektakli që pati mbrëmjen e djeshme në ndarjen e çmimeve “Grammy” ishte edhe një person që nuk e prishi fare terezinë dhe ajo ishte… Rihanna!
Këngëtarja ishte nominuar për 8 çmime, por nuk fitoi asnjë dhe nga sa mund të kuptojmë prej reagimeve që ajo ka bërë duket se e ka ditur që kështu do të përfundonte nata e saj.
Me vete ajo kishte marrë një faqore të zbukuruar me gurë nga jashtë dhe e kthente sa herë që situata bëhej e mërzitshme.
Një gjë tjetër për të cilën ajo kishte ardhur ishte për të bërë fotografi dhe është parë disa herë duke pozuar në vende të ndryshme.
Momenti më i lezetshëm ka qenë kur në mes të një performance ajo ka hapur Facetime dhe ka folur me miqtë e saj duke u treguar sa qejf po bënte.
