Amber Rose dhe Wiz Khalifa kanë surprizuar të gjithë njerëzit mbrëmjen e së shtunës në ceremoninë e Grammys. Ish-çifti, i cili finalizoi divorcin në qershor 2016, ka kaluar në tapetin e kuq së bashku të kapur dorë për dorë dhe madje duke u puthur përpara kamerave.
Rose 33-vjeç ishte e veshur me një fund të kuq dhe bluzë rozë ndërsa Khalifa 29-vjeç ishte veshur me një kostum të thjeshtë të zi.
Pavarësisht se ende nuk është e qartë nëse Amber dhe Wiz kanë vendosur të rikthehen me njëri tjetrin, të paktën një gjë është e sigurt, Rose është ndarë nga i dashuri i saj, balerini Val Chmerkovskiy. Burime të shumta kanë raportuar se ata i kanë dhënë fund lidhjes së tyre, e cila zgjati rreth 5 muaj.
