Një ngjarje e rëndë raportohet nga Institucioni i Paraburgimit në Vlorë, ku një person nën masën e sigurisë ka ndërruar jetë. Sipas informacioneve paraprake, i paraburgosuri ka shfaqur probleme shëndetësore gjatë kohës që ndodhej në qeli.
Ai është transportuar me urgjencë drejt Spitalit Rajonal të Vlorës për të marrë ndihmën e nevojshme mjekësore, por fatkeqësisht ka mbërritur aty pa shenja jete.
54 vjeçari Blerim Lena nga Maqedonia e Veriut gjendej në paraburgim. Ai ishte arrestuar për prodhim dhe shitje narkotikësh në muajin prill 2026.
Ndërkohë, rrethanat e sakta të ngjarjes dhe shkaqet që çuan në humbjen e jetës së tij mbeten ende të paqarta. Pritet një njoftim zyrtar nga autoritetet përkatëse dhe raporti mjekoligjor për të zbardhur dinamikën e këtij rasti.
