Policia e Durrësit ekzekutoi 17 masa sigurie ndaj personave të dyshuar për prodhim dhe shitje droge pranë shkollave në Shijak dhe Manzë. Gjatë operacionit janë gjetur dhe sekuestruar 3 armë zjarri, shuma të konsiderueshme parash, automjete dhe celularë.
17 masa sigurie janë ekzekutuar nga Policia e Durrësit për persona të dyshuar për prodhim dhe shitje të lëndëve narkotike si heroinë, kokainë e kanabis, kryesisht pranë shkollave në Shijak dhe Manzë. 13 prej masave janë ‘arrest me burg’, për 4 të tjerë është dhënë masa ‘arrest shtëpie’ ndërsa 1 tjetër është shpallur në kërkim.
Personat e arrestuar janë: Ervin Tahiri, Ervin Keçi, Fabrinio Durmishi, Hamdi Ibrahimi, Klevi Shani, Oligert Xhani, Elson Gjepali, Marjo Gjoshi, Indrit Dauti, Saimir Vezi, Ermal Çalliku, Armand Emini dhe Tani Muça (Ferra).
Gjatë operacionit, nga kontrollet fizike dhe ato nëpër banesa, janë gjetur dhe sekuestruar 3 armë zjarri (2 pistoleta dhe 1 kallashnikov), shuma të konsiderueshme parash, automjete dhe celularë.
