Ka reaguar para pak çastesh Gadi Eisenkot, lideri i opozitës së Izraelit pas publikimit të exit-polleve të zgjedhjeve të mbajtura këtë të martë. Të dhënat paraprake i japin koalicionit opozitar një avantazh të lehtë, por pa pasur mundësinë që të bëjë qeverinë të vetëm.
“Rezultatet paraprake të sondazheve tregojnë për një mosbesim të plotë ndaj Netanyahut dhe qeverisë së 7 tetorit, si nga ana e shumicës sioniste, ashtu edhe nga shumica e qytetarëve izraelitë.
Nëse këto janë rezultatet përfundimtare, atëherë kjo është një fitore për shumicën shtet-ndërtuese sioniste në Izrael.
Do të veproj menjëherë për të zbatuar vendimin e popullit: për të zëvendësuar qeverinë e Netanyahut dhe për të formuar një qeveri sioniste mobilizimi, sa më shpejt të jetë e mundur” – shkroi ai në X.
תוצאות המדגם הראשוניות מצביעות על אי אמון מוחלט בנתניהו וממשלת השבעה באוקטובר, של הרוב הציוני ושל רוב אזרחי ישראל. אם אלו התוצאות הסופיות זהו נצחון לרוב הממלכתי-ציוני בישראל. אפעל באופן מיידי למימוש הכרעת העם, להחלפת ממשלת נתניהו ולהקמת ממשלת גיוס ציונית, בהקדם האפשרי.
— Gadi Eisenkot - גדי איזנקוט (@gadi_eisenkot) October 27, 2026
Sipas exit-poll duket se nuk ka një fitues të qartë në zgjedhjet e Izraelit.
Sipas “Channel 12 News” të Izraelit, blloku i Netanyahut parashikohet të bjerë nga 68 vende që ka aktualisht, në 50 vende në Knessetin e ardhshëm. Blloku i Eisenkotit arrin në 52 vende, ndërsa sondazhet sugjerojnë se partitë arabe kanë një rekord prej 18 vendesh.
Edhe pse koalicioni i Netanyahut, duke përfshirë partitë e ekstremit të djathtë dhe ultraortodokse, pritet të jetë më i vogël, partia e tij Likud parashikohet të ketë pjesën më të madhe të vendeve në Knesetin e ardhshëm me 24 vende, krahasuar me 22 vendet e partisë Yashar të Eisenkotit.
Për të bërë qeverinë duhen të paktën 61 nga 120 vendet e Knesetit. Si Netanyahu ashtu edhe Eisenkot duket se nuk e kapin dot të vetëm këtë numër. ©LAPSI.al
