Ka nisur seanca plenare e kësaj të hëne në Kuvendin e Shqipërisë. Kryeparlamentari, Niko Peleshi, ka prezantuar rendin e ditës. Gjithashtu, vihet re se në Kuvend është vetëm prezenca e mazhorancës, me opozitën që nuk ka marrë pjesë. Në përfundim të rendit të ditës, seanca parashikon edhe diskutime për çështje të evidentuara nga zgjedhësit. Mbetet të shihet nëse opozita do të marrë pjesë, teksa indiciet në prononcimet e Berishës në media kanë qenë negative. Në seancat e shkuara ka pasur protestë dhe trazira jashtë parlamentit nga ana e protestuesve dhe gjithashtu do të duhet të shihet nëse ato akte do të përsëriten. Siç Sali Berisha ka konfirmuar më herët, opozita nuk do të marrë pjesë në seancë duke vijuar bojkotin për sa kohë mazhoranca refuzon të plotësojë kërkesat e protestuesve që grumbullohen prej 43 ditësh para kryeministrisë.
Rendi i ditës
1.Miratimi i procesverbaleve të seancave plenare të datave 30.6.2026 dhe 2.7.2026. (Neni 44, pika 2, të Rregullores së Kuvendit)
2. Njoftime. (Neni 44, pika 3, të Rregullores së Kuvendit)
3. Projektrezolutë “Për vlerësimin e veprimtarisë së Komisionit Qendror të Zgjedhjeve për vitin 2025”.
4. Projektrezolutë “Për vlerësimin e veprimtarisë së Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive dhe Konfliktit të Interesave për vitin 2025”.
5. Projektrezolutë “Për vlerësimin e veprimtarisë së Bankës së Shqipërisë për vitin 2025”.
6. Projektrezolutë “Për vlerësimin e veprimtarisë së Autoritetit të Mbikëqyrjes Financiare për vitin 2025”.
7. Projektrezolutë “Për vlerësimin e veprimtarisë së Institutit të Statistikave për vitin 2025”.
8. Projektrezolutë “Për vlerësimin e veprimtarisë së Autoritetit të Komunikimeve Elektronike dhe Postare për vitin 2025”.
9. Projektrezolutë “Për vlerësimin e veprimtarisë së Radiotelevizionit Shqiptar për vitin 2025”.
10. Projektrezolutë “Për vlerësimin e veprimtarisë së Autoritetit të Mediave Audiovizive për vitin 2025”.
11.Projektrezolutë “Për vlerësimin e veprimtarisë së Entit Rregullator të Energjisë për vitin 2025”.
12.Projektrezolutë “Për vlerësimin e veprimtarisë së Entit Rregullator të Ujit për vitin 2025”.
13.Diskutime për çështje të evidentuara nga zgjedhësit.
