Një 43-vjeçar është arrestuar nga policia, pasi dyshohet se goditi me sende të forta administratorin e një subjekti që jep biçikleta me qira. Ngjarja ndodhi në parkimin e Syrit të Kaltër. Sipas policisë, konflikti nisi për pagesën e dëmit të shkaktuar nga humbja e çelësit të një biçiklete. Gjatë përplasjes, 43-vjeçari goditi administratorin 27-vjeçar të biznesit, i cili pësoi fraktura dhe u dërgua në spital. Fatmirësisht, ai ndodhet jashtë rrezikut për jetën.
Hetimet kanë zbuluar se në konflikt u përfshinë edhe tre persona të tjerë. Mes tyre janë vëllai i të arrestuarit, një 20-vjeçar dhe vetë administratori i subjektit. 43-vjeçari, banues në Kamëz, u vu në pranga për veprat penale “Plagosja e rëndë me dashje” dhe “Prishja e qetësisë publike”. Ndërsa tre personat e tjerë do të hetohen në gjendje të lirë për “Plagosje të lehtë me dashje” dhe “Prishje të qetësisë publike”.
