Protesta kundër qeverisë vijoi edhe mbrëmje e djeshme, duke hyrë në ditën e 44-t radhazi. Mijëra qytetarë u mblodhën fillimisht në Sheshin "Skënderbej" dhe më pas marshuan drejt Kryeministrisë, ku përsëritën kërkesën e tyre të panegociueshme për dorëheqjen e menjëhershme të kryeministrit Edi Rama.
Me flamuj kombëtarë, pankarta dhe thirrje kundër korrupsionit e klasës politike, protestuesit deklaruan se nuk do të tërhiqen deri në arritjen e objektivit të tyre. Gjatë tubimit u dëgjuan thirrje si: "Edi Rama jep dorëheqjen", "Edi Rama në burg", "Shqipëria e shqiptarëve, vdekje tradhtarëve", "Pa rini nuk ka Shqipëri", "Poshtë patronazhistët", "Shqipëria kërkon revolucion" dhe "Ju erdhi fundi".
Pas përfundimit të fjalimeve para godinës së Kryeministrisë, protestuesit nisën marshimin në rrugët e kryeqytetit, duke vijuar me kore dhe slogane kundër qeverisë. Në mbyllje të tubimit, pjesëmarrësit brohoritën njëzëri "Nesër më shumë", duke paralajmëruar se protesta do të vazhdojë.
