Kryeministri i Maqedonisë së Veriut, Hristijan Mickoski ka vizituar sot Pustecin në një vizitë zyrtare të tij. Ai ka marrë pjesë në një festival që u zhvillua në këtë zonë. Megjithatë sipas gazetarëve që kanë ndjekur aktivitetin, nuk është respektuar protokolli shtetëror.
Sipas udhëzimeve, në raste të tilla duhet të ekzekutohet himni kombëtar i vendit përkatës ai shqiptar e më pas ai maqedonas, por kjo nuk ka ndodhur.
Sipas korrespondentes së Top Channel himni shqiptar nuk është ekzekutuar duke u luajtur vetëm ai maqedonas. Sipas të njëjtave burime kjo është hera e dytë që ndodh.
Është ende e pakuptimtë përse kryeministri maqedonas këmbëngul të mos respektojë himnin shqiptar brenda territorit të Republikës së Shqipërisë aq më tepër kur pjesëmarrës është edhe kryetari i bashkisë së Pustecit, Pali Kolefski. Pranë tyre është edhe Edmond Themelko, ish- kryetari i kësaj bashkie dhe organizator i këtij eventi. ©LAPSI.al
