Të shtëna me armë zjarri janë raportuar mbrëmjen e sotme në zonën e njohur si “Hamalla e Dedës”, pranë fshatit Qafë T’Mugu, në Qelëz të Pukës.
Sipas informacioneve paraprake, efektivë të policisë ndodheshin në një zonë të thellë malore për të monitoruar një parcelë të dyshuar me kanabis. Dyshohet se personat e përfshirë në kultivim kanë pikasur policinë dhe kanë qëlluar në ajër.
Efektivët në terren kanë kërkuar përforcime dhe drejt zonës janë nisur forca shtesë, ndërsa është angazhuar edhe një grup i Forcave të Ndërhyrjes së Shpejtë nga Shkodra. Kujtojmë se në këtë zonë tre ditë më parë u arrestua 58-vjeçari Tonin Lleshi, për kultivim të bimëve narkotike dhe armëmbajtje pa leje.
