Pankarta me mesazhe të forta politike dhe kritika direkte ndaj qeverisë e kryeministrit Edi Rama janë shfaqur gjatë protestës së 87-të kundër keqqeverisjes.
Në fokus të mesazheve të protestuesve kanë qenë shteti i së drejtës dhe marrëdhënia e Shqipërisë me Bashkimin Evropian, përmes slloganeve si, “87, Europa fillon me shtetin e së drejtës“ dhe “87, BE-ja kërkon standarde.”.
Kritikat e pjesëmarrësve i janë drejtuar edhe organit të akuzës përmes pankartës, “Drejtësi me regji, SPAK-u në letargji!”, ndërsa është ironizuar edhe nisma më e fundit e ekzekutivit me mesazhin, “Në “pasqyrën” tuaj, vetëm mashtrim, në bulevardin tonë, vetëm guxim!”
