Pas takimit dy ditor në Pogradec të Ramës me kabinetin qeveritar dhe drejtuesit politik të qarqeve, kryeministri ka ndarë në rrjetet sociale disa prej prioriteteve të sezonit të ri qeverisës, duke u ndalur te përdorimi i Inteligjencës Artificiale dhe krijimi i një “pasqyre unike” të funksionimit të shtetit.
Rama shprehet optimist për vitin e dytë të mandatit, duke theksuar se përmes teknologjisë qytetarët do të mund të ndjekin në kohë reale mënyrën se si shteti përgjigjet ndaj problematikave dhe kërkesave të tyre.
Sipas kryeministrit, synimi është që kërkesat e qytetarëve të ndiqen nga sistemi përgjatë gjithë procesit, deri në marrjen e një përgjigjeje nga institucionet.
