Ish-kreu i Dhomës Amerikane të Tregtisë në Shqipëri, Mark Crawford, gjatë një interviste në emisionin Oponencë në News24, theksoi se për të tërhequr investime të huaja, Shqipëria duhet të garantojë transparencë fiskale dhe stabilitet institucional.
Sipas Crawford, është thelbësore të kuptohet origjina e problemeve financiare që diskutohen publikisht, duke dalluar nëse bëhet fjalë për të ardhura të padeklaruara apo për shmangie taksash.
Crawford u ndal edhe te situata e kryetarit të Bashkisë Tiranë, duke theksuar se fakti që drejtuesi i kryeqytetit ndodhet në burg krijon pasiguri për investitorët e huaj.
Ai vuri në dukje probleme për Ministrinë e Infrastrukturës që lidhen me zv.kryeministren Belinda Balluku, duke nënvizuar se projektet strategjike dhe partneritetet me investitorët kërkojnë stabilitet dhe besueshmëri.
Crawford shtoi gjithashtu se Shqipëria ka potencial për të tërhequr investime, por vetëm nëse garanton transparencë, siguri ligjore dhe një klimë të qëndrueshme biznesi.
"Njerëzit që janë këtu, do të ikin, ata që kanë ardhur këtu dhe kanë hapur biznes, thonë se do të ikin. Unë jam këtu, por shumica janë larguar. Edhe kur isha kryetar i Dhomës, thoja pse nuk flasim me Diasporën t'u themi pse nuk investojnë.
Ata që vijnë janë turistë, bëjnë plazhe. Pse ata shqiptaro-amerikanë nuk vijnë të investojnë? Besoj është e rëndësishme të kuptojmë nga vijnë këto para? A janë banane e mollë që janë shitur që nuk do të paguajnë taksat. Nëse është dicla që lidhet me taksat, këto mund të falen. Ne duhet të kuptojmë nga vjen ky problem.
Investitorët mund të mos vijnë në Shqipëri. Ka probleme për Ministrinë e Infrastrukturës. Investitorët mund të presin që të zgjidhen problemet. Investitorët mund të preferojnë të shkojnë në vendet e tjera" - tha Crawford. /BW
