Tre persona janë ekstraduar nga Danimarka, Franca dhe Italia, të cilët akuzohen për vepra të ndryshme penale.
U ekstradua nga Danimarka, shtetasi Daniele Matoshi alias Daniele Çela alias Oklid Cela, ndërs anga Franca shtetasi Christopher Rudoviç. Nga Italia u ekstradua Gazmir Mjelli alias Gazmir Hamzaj.
Sipas policisë, Daniele Matoshi alias Daniele Çela alias Oklid Cela ishte shpallur në kërkim ndërkombëtar, pasi Gjykata e Elbasanit, në korrik 2025 i ka caktuar masën e sigurisë “Arrest në burg”, për veprën penale “Pastrimi i produkteve të veprës penale ose veprimtarisë kriminale”.
Po ashtu ai ka qenë i dënuar nga Gjykata e Kristiansand, Norvergji, me 13 vjet burgim, për veprat penale “Trafikimi i lëndëve narkotike”, si pjesë e një organizate kriminale, “Falsifikimi i dokumenteve” dhe “Vjedhja e energjisë elektrike”.
Ndërsa 25 – vjeçari Christopher Rudoviç i ekstraduar nga Franca ishte shpallur në kërkim ndërkombëtar, pasi Gjykata e Tiranës e ka dënuar me 8 muaj burgim, për veprën penale “Prodhimi, mbajtja, blerja apo shitja pa leje e armëve të ftohta”.
Ndërsa Gazmir Mjelli alias Gazmir Hamzaj i ekstraduar nga Italia ishte shpallur në kërkim ndërkombëtar, pasi Gjykata e Fierit i ka caktuar masën e sigurisë “Arrest me burg”, për veprën penale “Mashtrimi”.
