Studiuesi Taulant Muka ka denoncuar publikisht atë që e cilëson si një rast të qartë plagjiature nga drejtori i ri i Agjencia Kombëtare e Shoqërisë së Informacionit (AKSHI), Igli Tafa.
Sipas Mukës, një artikull shkencor i publikuar në vitin 2011 nga Tafa përmban pjesë të kopjuara fjalë për fjalë nga studime të mëhershme ndërkombëtare.
Ai ngre pikëpyetje mbi standardet profesionale në drejtimin e një institucioni kyç që administron sistemet digjitale shtetërore dhe të dhënat e qytetarëve.
Më poshtë, postimi i plotë i Taulant Mukës:
“Dashuria e Kryeministrit Rama për plagjiaturën s’ka fund...
Artikulli shkencor i vitit 2011 i Igli Tafës, drejtorit të ri të AKSHI, është kopjuar fjalë për fjalë (copy–paste) nga studime të publikuara më herët në Malajzi dhe Indi. Mes mijërave shqiptarëve të arsimuar, Kryeministri sërish provon se plagjiaturën e ka kriter për drejtuesit.
Bëhet fjalë për studimin: "A Survey of QoS Routing Protocols for Ad Hoc Networks" (2011), i cili rezulton identik me pjesë nga dy artikujt e Aisha-Hassaan (2008) dhe I. Latha (2009).
AKSHI është institucioni që administron sistemet digjitale të shtetit dhe të dhënat e qytetarëve. Si mund të drejtohet një institucion kaq kritik nga dikush me një precedent të tillë?
Dhe pyetja tjetër: a është vetëm ky artikull i tij 100% copy–paste?
Rasti nuk duket i izoluar: edhe ish-drejtoreshën e AKSHI, Mirlinda Karçanaj, e kemi treguar për doktoraturën 100% plagjiaturë.
Pas gjithë ngjarjeve të rënda që lidhen me AKSHI, janë të qarta pasojat kur institucione kritike drejtohen nga njerëz me standarde të ulëta profesionale."
![May be a graphic of text that says 'Igli Tafa QoS Routing Portocols for Ad Hoc Networks 2011 Review Aisha-Hassaan protocols mobile 2008 Enabled Networks Networks, QAMNet: Providing Quality Multicast the to Ad with the first data real- admission traffic based MAC QAMNET [16]. extends approaches fmesh based multicasting ODMRP and [18] introducing request, available bandwidth receiver, piggybacked with bottleneck node receives updates the Bandwidth availability probing all requests network group with first data packet (BB) evaluates creates Join- and becomes available packet similar updates thereply[15]. node upstream nodes calculated group and rebroadcast requests waits available collect packet RTF-Flag the Intermediate forwarder BBA becomes multicast updates field'](https://scontent.ftia5-1.fna.fbcdn.net/v/t39.30808-6/634872490_10233051789932741_6185709106764857888_n.jpg?_nc_cat=105&ccb=1-7&_nc_sid=127cfc&_nc_ohc=vNxx6jos01AQ7kNvwGsyVV6&_nc_oc=Adk2ujjgtfiDhbR2XXtogGgYkiC3KCYZmW0XTDFR9FhNqz4x01I5qrBy-k_Q_kwHPko&_nc_zt=23&_nc_ht=scontent.ftia5-1.fna&_nc_gid=es4SkDW11fBt_NO06JV2RA&oh=00_AfsriQ1JwnWYNaXEwQiI-BHyMTxUa_21kRYLmdqHyZagMg&oe=6997E651)
