Pika kufitae e Qafë Thanës është hapur këtë mbrëmje, pasi kishte qëndruar e bllokuar për disa ditë. Ajo është bllokuar, për shkak të protestës së kamionistëve maqedonas.
Bllokada u organizua nga Shoqata e Transportuesve të Maqedonisë së Veriut, me pjesëmarrjen e rreth 370 kamionistëve në 10 pika kufitare. Ata kundërshtonin sistemin të ri elektronik të hyrje-daljeve në zonën Schengen.
Por kjo situatë u rregullua, pas ndërhyrjes së Komisionit Evropian, i cili do të lëshojë viza për transportuesit. Ndërsa, Ministri i Transportit i Maqedonisë së Veriut, Aleksandar Nikolloski, tha se Brukseli ka pranuar të gjithë kërkesat dhese do të sjellë një strategji të re për shoferët profesionistë.
