Edi Rama është squllullur para grekëve, aq sa të bëjë dhe prapakthehu duke lënë pas lrenarinë e tij të dikurshme. Këtë e ka vënë re edhe kryeministri grek Kyriakos Mitsotakis i cile e ka përshkruar si një politikan të cilit "shpeshherë i shpëtojnë gjëra që nuk do të duhej t’i thoshte" Në një intervistë për stacionin televiziv Alpha mëngjesin e sotëm, kryeministri grek ka thënë: “E njoh z. Rama prej shumë vitesh, ai ka një mënyrë të veçantë të shprehuri dhe shpeshherë i shpëtojnë gjëra që nuk do të duhej t’i thoshte. Këtë herë tha një fjalë të rëndë dhe e kuptoi gabimin e tij. Unë po mbaj parasysh korrigjimin që bëri, ishte një deklaratë e papërshtatshme dhe më mirë ta lëmë pas”.
Deklaratat e Kyriakos Mitsotakis u bënë pas kritikave të forta që mori nga mediat greke Ed Rama, pas komentit të tij ndaj gazetarit greko-amerikan John Defterios, gjatë një paneli të zhvilluar në Abu Dhabi. “Mendoni se keni monopol mbi filozofinë dhe jeni trashëgimtarë të drejtpërdrejtë të Platonit dhe Aristotelit, por nuk jeni”, i tha atij Rama, i pasi ky i fundit i shqiptoi emrin gabim. Një ditë më parë vetë Rama e korigjoi atë që nxori nga goja duke thënë se tonet e tij nuk kanë qenë aspak tendencioze, por vetëm humor miqësor. “Jam i mahnitur nga reagimi i disa mediave në Athinë e i ndonjë politikani të lodhur grek lidhur me tonet e mia aspak tendencioze, po me humor miqësor gjatë bashkëbisedimit me gazetarin e nderuar John Defterios në panelin e organizuar gjatë Samitit të Zhvillimit të Qëndrueshëm në Abu Dhabi! Është e pabesueshme që një fjali e thënë me humor, të shkëputet totalisht nga konteksti e të kthehet në polemikë publike me pathos nacionalist, gjë që fatkeqësisht në Athinën mediatike ndodh shpesh”, shkruan Rama. Kreu i qeverisë shqiptare shton më tej: Por i siguroj të gjithë të shqetësuarit e të lënduarit, se nuk kam as më të voglin dyshim që Platoni dhe Aristoteli janë filozofë grekë dhe që Greqia e Lashtë është shtrati i qytetërimit europian; që kultura greke meriton vetëm admirim, jo vetëm për filozofët e lashtësisë po edhe për poetët, shkrimtarët, kineastët e muzikën që i ka dhënë njerëzimit; që Greqia është një vend për të cilin unë ushqej ndjenjat më pozitive, që populli grek është për mua një fqinj i pazëvendësueshëm e vëlla i patjetërsueshëm i popullit shqiptar dhe që për kryeministrin e Greqisë ushqej një respekt të veçantë! U kuptuam? Shpresoj po. Eshtë e vështirë të kuptohet se si dikush mund të bëjë humor me diçka për të cilën besoka krejt të kundërtën. Por një gjë është e qartë" Rama ka filluar gjithnjë e më tepër të bëjë prapakthehu me Greqinë. ©Lapsi.al
