Presidenti francez Emmanuel Macron u shfaq me një sy të fryrë dhe të skuqur gjatë fjalimit të tij të Vitit të Ri drejtuar forcave të armatosura franceze.
“Kërkoj ndjesë për pamjen e keqe të syrit tim”, - tha Macron në fillim të fjalimit të tij. "Sigurisht, është plotësisht i padëmshëm”.
Përpara fjalimit të tij në bazën ushtarake në Istres, ai mbante syze dielli gjatë një inspektimi të trupave në një zonë të hapur.
“Shiheni si një referencë të paqëllimshme për “Syrin e tigrit”. Për ata që e kuptojnë referencën, është një shenjë vendosmërie”, - tha ai, duke iu referuar këngës nga filmi i vitit 1982, Rocky III, me protagonist Sylvester Stallone.
Fjalimi i Macron trajtoi sfidat kryesore për ushtrinë në vitin 2026, nga riarmatimi i Francës dhe mbështetja e vazhdueshme për Ukrainën, deri te vendimi për të dërguar trupa në Groenlandë në një shenjë mbështetjeje për Danimarkën. ©LAPSI.al
