Një shqiptar 24-vjeçar, u deklarua fajtor dhe u dënua me 18 muaj burgim, njoftoi Zyra e Prokurorit të Distriktit të Iwoa në SHBA.
Vendimi për Mario Nikprelaj vjen vetëm 7 muaj pas incidentit të ndodhur në fluturimin e “Delta Airlines”, ku ai u përpoq të hapte me forcë derën e avionit në fluturim dhe për pak sa nuk shkaktoi tragjedi ajrore po të mos ishte ndërhyrja dhe përleshja e stafit dhe stjuardesave.
I lindur në Michigan, shqiptari filloi të shkaktonte probleme në një fluturim të Delta-s të operuar nga Sky West, i cili ishte nisur nga Nebraska për në Detroit, korrikun e kaluar.
24-vjeçari bëri “deklarata shqetësuese dhe të pahijshme” ndaj pasagjerëve të tjerë dhe ekuipazhit të fluturimit. Ai gjithashtu refuzoi të vendoste rripin e sigurimit derisa një asistente fluturimi e bindi të bindej, sipas New York Post.
Problemet vazhduan gjatë ngritjes, pasi 24-vjeçari “e hoqi vazhdimisht rripin e sigurimit”, pavarësisht se iu kërkua ta vishte përsëri, dhe “u ngrit vazhdimisht ndërsa avioni ngrihej”, thanë prokurorët.
Pasagjeri agresiv “i tregoi gishtin e mesëm” një asistente fluturimi, e cila i kërkoi të vendoste rripin e sigurimit dhe më pas “e shtyu asistenten”. Më pas, ai e kërcënoi se do ta vriste asistenten kur ekuipazhi tha se do ta raportonin tek autoritetet, sipas prokurorëve.
24-vjeçari dukej sikur po flinte përpara se të shpërthente përsëri kaosi kur pasagjerët shtypën butonat e emergjencës, pasi e panë duke ndërhyrë në derën e daljes së emergjencës. Gjatë incidentit në fluturim, asistentja ndërhyri dhe e shtyu, e ofendoi verbalisht dhe e kërcënoi.
Si rezultat, u bë një ulje emergjente në Iowa.
“Ndërsa aeroplani po ulej, 24-vjeçari u ngrit përsëri, hoqi këmishën dhe filloi të ecte lart e poshtë korridorit”, thanë prokurorët.
Anëtarët e ekuipazhit u kërkuan pasagjerëve t’i ndihmonin të mbanin të riun, i cili sulmoi tre prej tyre dhe u përpoq t’i godiste.
24-vjeçari u mor në paraburgim pas uljes dhe autoritetet gjetën një shishe që përmbante 41 pilula, të dyshuara si qetësues. Ai u akuzua për sjellje të çrregullt, sulm, posedim të barnave me recetë, shkelje të pullave tatimore dhe ngacmim.
Dosja e gjatë kriminale e 24-vjeçarit përfshin dënime për sulm ndaj një oficeri policie, dhunë në familje dhe vepra penale që lidhen me drogën.
