Mediat kanë publikuar pamje të momentit kur i paraburgosuri Altin Ndoci arratiset me vrap nga spitali i Durrësit. Ai ishte shoqëruar nga 5 efektivë të Policisë së Burgjeve për një vizitë mjekësore në spitalin infektiv së bashku me një të paraburgosur tjetër.
Pasi ka dhunuar efektivët që e shoqëronin Ndoci ka dalë jashtë ambienteve të spitalit dhe është drejtuar me vrap drejt parkimit, ku jashtë traut, dyshohet se e prisnin 2 makina.
Njëra prej tyre është një “Audi” luksoz A7 ngjyrë gri targë me AB 700 RS, më të cilën Ndoci dyshohet se është larguar në drejtim të Spitallës. Targat e automjetit rezultojnë të jenë denoncuar si të vjedhura pak ditë më parë.
Ndërsa në videon më poshtë është momenti kur Altin Ndoci mbërrin në oborrin e Spitalit të Durrësit, i shoqëruar me ambulancë. Ai shfaqet duke dalë nga ambulanca i lirë dhe pa pranga, dhe më pas shoqërohet në drejtim të godinës së spitalit.
Shoqërimi i tij bëhet në kundërshti me rregulloren, pasi duhej të ishte i prangosur për shkak të rrezikshmërisë. ©LAPSI.al
[video width="642" height="360" mp4="https://cdnimpuls.com/lapsi.al/wp-content/uploads/2026/01/81e22c9753098c35d2e752975e90a1bc.mp4"][/video]
