Armando Ndreca do të përballet me drejtësinë pas përfundimit të hetimeve nga SPAK, e cila e ka çuar çështjen në Gjykatën e Posaçme. Ai është vëllai i deputetit socialist Eduard Ndreca, dhe akuzohet për kultivim dhe trafikim të lëndëve narkotike, si dhe pjesëmarrje në një grup të strukturuar kriminal.
Sipas hetimeve të SPAK, Armando Ndreca ka pasur rol organizativ në një grup të përfshirë në kultivimin dhe shpërndarjen e sasisë prej 243 kg kanabis, gjatë vitit 2020 në zonën e Lezhës.
Armando Ndreca u arrestua në 2024, me dyshimin se ishte i përfshirë në kultivimin e bimëve narkotike, pas zbulimit të një stani të kthyer në shtëpi bari në një fshat të Lezhës. Por Ndreca u lirua nga gjykata pasi nuk kishte prova që vërtetonin implikimin e tij në kultivimin e drogës, ku u arrestuan 2 persona.
Por në janar 2025, ai u arrestua sërish në kuadër të operacionit “Revanshi”.
Ndreca u arrestua pasi doli në komunikimet e Sky Ecc për kultivimin e drogës. Një muaj para ndalimit të tij nga SPAK, Armando Ndreca u arrestua nga Policia e Lezhës në lidhje me një serë e cila kultivohej kanabis sativa. Ndaj tij, SPAK ngriti akuzën e prodhimit dhe shitjes së narkotikëve në kuadër të grupit kriminal.
Në dosjen ku bën pjesë Armando Ndreca me urdhër ndalimi është edhe ish-deputeti Arben Ndoka, nipi i tij Samuel Ndoka.
