Nje atentat ka ndodhur në orët e para të mëngjesit të së martës në Durrës. Nje i ri ka mbetur i vrarë në lagjen 18 të qytetit.
Sipas burimeve nga policia, behet me dije se viktimë në këtë atentat ka mbetur Ermir Dedja. Dedja është një person i përfshirë në ngjarje të ndryshme kriminale në qytetin e Durrësit.
"Më datë 20.05.2025, në orën 00:50, në lagjen nr. 18 Durrës, është qëlluar me armë zjarri shtetasi E. D., 29 vjeç, i cili ka humbur jetën në spital. Në vendngjarje kanë shkuar shërbimet e Policisë dhe po vijojnë kontrollet për kapjen e autorit/ve.
Është ngritur një grup i posaçëm hetimor dhe nën drejtimin e Prokurorisë, vijojnë intensivisht hetimet për zbardhjen e rrethanave dhe sigurimin e provave, me qëllim dokumentimin ligjor të ngjarjes, identifikimin dhe kapjen e autorit/ve", informoi sot policia.
