Detaje të reja janë zbardhur në lidhje me atentatin e 17 prillit ne Lunder, ku u qëllua me brershëri plumbash ndaj një Range Roveri. Sipas raportimeve grupi hetimor ka përftuar ADN mikse pas analizave laboratorike dhe po bëhen krahasimet.
Gjithashtu sipas grupit hetimor në vendin e ngjarjes ku ishin fshehur autorët janë gjetur disa sende si çanta, doreza dhe pinca dhe dyshohet se janë përdorur për të prerë telin e rrethimit ku ishin fshehur me motor.
Po ashtu hetuesit janë fokusuar te këqyrja e kamerave të sigurisë jo vetëm ditë e ngjarjes, por shumë ditë para ngjarjes pasi kanë dyshime dhe informacione se autorët kanë lëvizur me motor për disa ditë rreth vendit të ngjarjes por edhe në zonën e Lundrës, ku kanë studiuar terrenin.
