Kryeministiri Edi Rama po zhvillon një takim me banorët e Maliqit. Rama ashtu si edhe në takimet e tjera e ka fokusuar fjalën e tij në rëndësinë e zgjedhjeve të 11 majit për anëtarësimin e vendit në BE.
Rama theksoi se nuk është vetëm dëshira e Shqipërisë për tu bërë pjesë e BE-së por edhe unioni dëshiron që vendi ynë të jetë pjesë e saj. Sipas tij vendi ynë e ka bërë punën gati dhe tani mbetet mbyllja e negociatave.
"Më besoni motra e vëllezër se kush thotë që “Evropa është aty dhe ne do të bëhemi pjesë e saj se nuk ka lidhje kush fiton këtu, nuk kupton fare se çfarë thotë ose nuk thotë të vërtetën”
Sot për arsye që nuk anë të bëjnë vetëm me ne por kanë të bëjnë edhe me Evropën, janë përputhur dëshirat dhe vullneti në një moment, jo vetëm ne duam të hymë në BE, por edhe BE do të na marrë brenda. E kemi bërë të gjithë punën tonë për të qenë gati.
Hapja e derës sot ka ardhur si rezultat i fatit që ne jemi gati, por edhe ata janë gati. Duan të japin mesazh që Evropa po unifikohet. Duhet të bëjmë pjesën tonë, por që ta kapërcejmë pragun dhe të hyjmë në sallon kryesor, duhet të mbyllim negociatat. Edhe dy vite kohë ka, por kini parasysh që negociatat zhvillohen mes dy palësh," tha ai.
