Një aksident i rëndë është regjistruar paraditen e sotme te mbikalimi i Paskuqanit, përgjatë segmentit të Unazës së Madhe në Tiranë.
Sipas informacioneve paraprake, raportohet se nga përplasja ka humbur jetën një 66-vjeçare. Forca të shumta policie ndodhen në vendngjarje për të hetuar rrethanat dhe për të menaxhuar situatën.
“Rreth orës 09:35, te mbikalimi i Paskuqanit, një 35 vjeçar, ka përplasur me automjetin që drejtonte, një 72 vjeçare dhe një 66 vjeçare, të cilat dyshohet se po kalonin trafikndarësen. Si pasojë, ka humbur jetën 66-vjeçarja dhe është dëmtuar shtetasja tjetër, e cila është në kujdesin e mjekëve. Drejtuesi i automjetit është shoqëruar në komisariat, për kryerjen e veprimeve të metejshme procedurale, ndërsa grupi hetimor po punon për sqarimin e rrethanave të aksidentit", informoi policia.
