Mario Vargas Llosa, një figurë e madhe në letërsinë dhe kulturën e Amerikës Latine, ka vdekur në moshën 89-vjeçare.
Fituesi i Nobel në Letërsi për vitin 2010 ndërroi jetë në vendlindjen e tij Peru. Lajmi u bë i ditur nga djali i tij Alvaro në një postim ku shkruan: “Me dhimbje të thellë ju njoftojmë se babai ynë Mario Vargas Llosa ka vdekur në Lima, i rrethuar nga familja dhe në paqe”.
I lindur në Arequipa më 28 mars 1936, shkrimtari dhe dramaturgu kishte rreth dy javë që kishte festuar 89-vjetorin e lindjes. Sipas dëshirës së familjes, ceremonia e varrimit do të jetë privat dhe sipas dëshirës së shkrimtarit, eshtrat e tij do të digjen.
Ndër romanet e tij, “Qyteti dhe qentë” dhe “Shtëpia e gjelbër”. Me më shumë se 50 vepra në emrin e tij, Vargas Llosa fitoi Çmimin Nobel për Letërsinë në vitin 2010 kur anëtarët e jurisë e quajtën atë një “shkrimtar me dhunti hyjnore”.
Përshkrimet e tij të autoritarizmit, dhunës, duke përdorur gjuhë të pasur, e bënë atë një yll të lëvizjes letrare Boom të Amerikës Latine.
Në fillim, dashamirës ndaj ideve të krahut të majtë, ai u zhgënjye me kauzat revolucionare të Amerikës Latine, duke kandiduar, por pa sukses, për presidencën peruane me një parti të qendrës së djathtë në 1990.
