Lajmi “i madh” i kësaj të mërkure ishte ulja me 1 lek e çmimit të energjisë elektrike vetëm për abonentët familjarë. Për ta sqaruar. Qeveria ka vënë një kufi prej 700 kilovatorë.
Nëse do të harxhoni më pak se kaq do ta paguani faturën me çmimin e ri, 8.5 lekë për kilovatorë. Nëse fatura juaj shënon 701 kilovatorë atëherë do ta paguani të gjithë faturën me çmimin e vjetër, 9.5 lekë për kilovatorë.
Pra, nuk është një faturim me fashë që nën 700 kilovatorë ta paguash me ulje dhe pjesën tjetër më shtrenjtë. Zëvendëskreyministrja dhe njëherësh ministre e Energjisë dhe Infrastrukturës, Belinda Balluku dha këtë shpjegim.
“Nuk është faturim me fashë, por me konsum. Kush e kalon 700 kw/orë e paguan të plotë. Janë gjithsej 1 070 000 abonentë. 95% e abonentëve harxhojnë më pak se 700 kw/orë” – tha Balluku.
Mënyra e re e tarifimit të energjisë elektrike hyn në fuqi nga 1 shkurti. ©LAPSI.al
